h2e महाराष्ट्र राज्य निवड बुद्धिबळ स्पर्धा - ९ वर्षाखालील गट (दिवस दुसरा)

28/05/2025 -

महाराष्ट्र राज्य बुद्धिबळ संघटना यांच्या मान्यतेने तसेच सोलापूर डिस्ट्रीक्ट चेस असोसिएशन व द हेरिटेजच्या सहकार्याने सोलापुर चेस अकॅडमीने आयोजित केलेल्या “चॅम्पियन चषक” ९ वर्षाखालील खुला व मुलींच्या राज्यस्तरीय निवड चाचणी बुद्धिबळ स्पर्धेत अग्रमानांकित आंतरराष्ट्रीय गुणांकन प्राप्त खेळाडू मुंबईचा नोवा आय्यर, रायगडचा धीमन हेमांग, पुण्याचे हेयान रेड्डी, अनिश जवळकर, ठाण्याचा कथित शेलार, नागपूरचा रिधान अग्रवाल तसेच मुलींच्या गटात मुंबईची गिरीश पै, सन्मरी पॉल, पुण्याचे अदिना मोहंती, अन्वी हिंगे सोलापूरची पृथा ठोंबरे, नंदुरबारची भूमी ढगढाके या आंतरराष्ट्रीय गुणांकन प्राप्त खेळाडूंनी आकर्षक खेळत विजयी सलामी दिली. या स्पर्धेत यजमान सोलापूरसह मुंबई, पुणे, नागपूर, कोल्हापूर, सांगली, लातूर, अमरावती, पालघर, छ. संभाजीनगर आदी राज्यातील विविध जिल्ह्यातुन ३६ आंतरराष्ट्रीय गुणांकन प्राप्त खेळाडूसह एकूण २०२ नामांकित खेळाडूंनी विक्रमी सहभाग नोंदवला.

h2e महाराष्ट्र राज्य निवड बुद्धिबळ स्पर्धा - ९ वर्षाखालील गट

26/05/2025 -

महाराष्ट्र राज्य बुद्धिबळ संघटना यांच्या मान्यतेने तसेच सोलापूर डिस्ट्रीक्ट चेस असोसिएशन व द हेरिटेजच्या सहकार्याने सोलापुर चेस अकॅडमीने आयोजित केलेल्या “चॅम्पियन चषक” ९ वर्षाखालील खुला व मुलींच्या राज्यस्तरीय निवड चाचणी बुद्धिबळ स्पर्धेत अग्रमानांकित आंतरराष्ट्रीय गुणांकन प्राप्त खेळाडू मुंबईचा नोवा आय्यर, रायगडचा धीमन हेमांग, पुण्याचे हेयान रेड्डी, अनिश जवळकर, ठाण्याचा कथित शेलार, नागपूरचा रिधान अग्रवाल तसेच मुलींच्या गटात मुंबईची गिरीश पै, सन्मरी पॉल, पुण्याचे अदिना मोहंती, अन्वी हिंगे सोलापूरची पृथा ठोंबरे, नंदुरबारची भूमी ढगढाके या आंतरराष्ट्रीय गुणांकन प्राप्त खेळाडूंनी आकर्षक खेळत विजयी सलामी दिली. या स्पर्धेत यजमान सोलापूरसह मुंबई, पुणे, नागपूर, कोल्हापूर, सांगली, लातूर, अमरावती, पालघर, छ. संभाजीनगर आदी राज्यातील विविध जिल्ह्यातुन ३६ आंतरराष्ट्रीय गुणांकन प्राप्त खेळाडूसह एकूण २०२ नामांकित खेळाडूंनी विक्रमी सहभाग नोंदवला.

जी.एच.रायसोनी मेमोरियल नांदेड जिल्हा निवड चाचणी बुद्धिबळ स्पर्धा २०२५

24/05/2025 -

जी एच रायसोनी मेमोरियल नांदेड जिल्हा निवड चाचणी बुद्धिबळ स्पर्धेचे आयोजन नांदेड जिल्हा चेस अँड रॅपिडचेस असोसिएशन, नांदेड, जी एच रायसोनी स्पोर्ट्स अँड कल्चरल फाउंडेशन, कल्पना प्रकाश वेल्फेअर फाउंडेशन, नागपूर व सक्षम चेस अकॅडमी, नांदेड यांच्या संयुक्त विद्यमाने महाराष्ट्र चेस असोसिएशनच्या सहकार्याने गणराज बंकेट अँड कॉन्फरन्स हॉल नांदेड येथे संपन्न झाली. जी एच रायसोनी मेमोरियल नांदेड जिल्हा निवड चाचणी बुद्धिबळ स्पर्धेचे आयोजन नांदेड जिल्हा चेस अँड रॅपिडचेस असोसिएशन, नांदेड, जी एच रायसोनी स्पोर्ट्स अँड कल्चरल फाउंडेशन, कल्पना प्रकाश वेल्फेअर फाउंडेशन, नागपूर व सक्षम चेस अकॅडमी, नांदेड यांच्या संयुक्त विद्यमाने महाराष्ट्र चेस असोसिएशनच्या सहकार्याने गणराज बंकेट अँड कॉन्फरन्स हॉल नांदेड येथे संपन्न झाली.

जी. एच. रायसोनी स्मृती रत्नागिरी जिल्हा निवड बुद्धिबळ स्पर्धा दिमाखात संपन्न

21/05/2025 -

रत्नागिरी – जी. एच. रायसोनी स्मृती रत्नागिरी जिल्हा निवड बुद्धिबळ स्पर्धा २०२५-२६ रा.भा. शिर्के प्रशालेच्या रंजन मंदिर सभागृहात दि. १७ व १८ रोजी रत्नागिरी जिल्हा बुद्धिबळ संघटनेतर्फे आयोजित केल्या होत्या. सदर स्पर्धांना रायसोनी फौंडेशन तर्फे विशेष सहकार्य लाभले होते. विविध वयोगटांतील खेळाडूंचा उत्स्फूर्त सहभाग, प्रगल्भ खेळी आणि उत्कृष्ट आयोजनामुळे यशस्वीरीत्या पार पडली. या स्पर्धेत विविध गटांमध्ये चमकदार कामगिरी करणाऱ्या विजेत्यांना रोख पारितोषिके आणि आकर्षक चषक देऊन गौरविण्यात आले. ९ वर्षाखालील गटातून दोन मुले व १५ वर्षे वयोगट आणि खुल्या व महिलांच्या गटातून प्रत्येकी ४ खेळाडूंची निवड महाराष्ट्र राज्य निवड स्पर्धेसाठी करण्यात आली. निवड झालेले खेळाडू राज्यस्तरीय स्पर्धेत रत्नागिरी जिल्ह्याचे प्रतिनिधित्व करतील.

कै. सौ. मीनाताई शिरगांवकर स्मृती स्पर्धेत गोव्याची अस्मिता रे विजेती तर कोल्हापूरची शर्वरी कबनूरकर उपविजेती

12/05/2025 -

नूतन बुध्दिबळ मंडळ, सांगली आयोजित ५६ व्या कै. भाऊसाहेब पडसलगीकर स्मृती सांगली बुध्दिबळ महोत्सवातील कै. सौ. मीनाताई शिरगांवकर स्मृती खुल्या महिला बुध्दिबळ स्पर्धेत गोव्याच्या अस्मिता रे ने नावलौकिकाला साजेसा खेळ करत स्पर्धेत अपराजित राहून विजेतेपद पटकावले. या स्पर्धेचे दिपप्रज्वलन , श्रीफळ वाढवून व पटावरील चाल खेळून एमएसईबी होल्डींग कंपनीच्या संचालिका सौ. नीता केळकर व भाजपा माजी नगरसेविका मा. उर्मिला बेलवलकर लिमये यांच्याहस्ते करण्यात आले. यावेळी मा.सौ.नीताताई केळकर यांचा स्मिता केळकर तर सौ. उर्मिला बेलवलकर यांचा सीमा कठमाळे यांच्या हस्ते सत्कार करण्यात आला. या स्पर्धेला महाराष्ट्र, गोवा, कर्नाटक राज्यातील सांगली, कोल्हापूर, सातारा, सोलापूर, पुणे, पणजी, बेळगांव आदि शहरातील १५१ महिला बुध्दिबळपटू सहभागी झाल्या होत्या.

कै. तम्माण्णाचार्य पडसलगीकर स्मृती ८ वर्षाखालील खुल्या बुध्दिबळ स्पर्धा २०२५

04/05/2025 -

कै. भाऊसाहेब यांनी स्थापन केलेल्या नूतन बुध्दिबळ मंडळातर्फे गेली ५६ वर्षे भरत असलेल्या स्पर्धा या वर्षीही सांगली आणि बुध्दिबळ हे जुने समीकरण घेऊन येत आहेत. मंडळाचे नवनियुक्त अध्यक्ष मा.सोहन शिरगांवकर यांच्या मार्गदर्शनाखाली ८, १०, १२, १४, १६ या वयोगटातील स्पर्धा तसेच रॅपिड व टिम चॅम्पियनशिप, महिलांसाठी कै. सौ. मीनाताई शिरगांवकर खुली रॅपिड व खुल्या गटासाठी आदरणीय कै. बाबूकाका शिरगांवकर स्मृती फिडे रेटिंग स्पर्धा अशा ११ विविध स्पर्धा त्याचप्रमाणे बुध्दिबळ प्रशिक्षण असा हा महोत्सव सांगली शिक्षण संस्थेच्या डॉ. बापट बाल शिक्षणमंदिरात दि. २७ एप्रिल ते ८ जून अखेर चालणार आहे.

भाऊसाहेब पडसलगीकर बुध्दिबळ महोत्सव २०२५

04/05/2025 -

कै. भाऊसाहेब यांनी स्थापन केलेल्या नूतन बुध्दिबळ मंडळातर्फे गेली ५६ वर्षे भरत असलेल्या स्पर्धा या वर्षीही सांगली आणि बुध्दिबळ हे जुने समीकरण घेऊन येत आहेत. मंडळाचे नवनियुक्त अध्यक्ष मा.सोहन शिरगांवकर यांच्या मार्गदर्शनाखाली ८, १०, १२, १४, १६ या वयोगटातील स्पर्धा तसेच रॅपिड व टिम चॅम्पियनशिप, महिलांसाठी कै. सौ. मीनाताई शिरगांवकर खुली रॅपिड व खुल्या गटासाठी आदरणीय कै. बाबूकाका शिरगांवकर स्मृती फिडे रेटिंग स्पर्धा अशा ११ विविध स्पर्धा त्याचप्रमाणे बुध्दिबळ प्रशिक्षण असा हा महोत्सव सांगली शिक्षण संस्थेच्या डॉ. बापट बाल शिक्षणमंदिरात दि. २७ एप्रिल ते ८ जून अखेर चालणार आहे.

फिडे महिला ग्रँड प्रिक्स पुणे - हम्पी विजेती; दिव्या तिसऱ्या स्थानी विराजमान

25/04/2025 -

GM कोनेरु हम्पीने अंतिम फेरीत IM नुर्ग्यूल सलिमोवा (BUL)ला पराभूत करून फिडे महिला ग्रँड प्रिक्स जिंकली. तिच्या प्रतिस्पर्धी GM झू जायनर (CHN) ने IM पोलिना शुवालोव्हा विरुद्ध आपला सामना जिंकला. हम्पी आणि जायनर ह्या दोघींनी ७/९ गुण मिळवले, पण हम्पीने चांगल्या टाय-ब्रेक स्कोअरमुळे स्पर्धा जिंकली, आणि जिनरने दुसरे स्थान पटकावले. IM दिव्या देशमुखने IM अलीना काशलिंस्काया (POL)सोबत बरोबरी केली आणि ५.५/ ९ गुणांसह तिसरे स्थान मिळवले. हम्पीने ग्रँड प्रिक्स ११७.५ गुणांची वाढ केली आणि ती २७९.१७ गुणांसह दुसऱ्या स्थानावर पोहोचली. जायनर तिच्या मागे 235 गुणांसह आहे. हम्पीला आशा आहे की, जायनर पुढच्या महत्त्वाच्या GP इव्हेंटमध्ये तिला मागे टाकणार नाही, ज्यामुळे हम्पीला ग्रँड प्रिक्स स्पर्धांमधून पुढील महिला कँडिडेट्समध्ये स्थान मिळू शकेल. एकूण बक्षीस निधी €८०००० होता. टॉप तीन बक्षिसे अशी होती: €१८०००, €१३००० आणि €१०५००, तसेच प्रत्येकाला एक ट्रॉफी आणि मेडल देण्यात आले. पुढील चरण ग्रॉस्लोबमिंग, ऑस्ट्रिया येथे ५ मे ते १६ मे २०२५ दरम्यान होईल.

हम्पी की जायनर, कोणाच्या डोक्यावर येणार विजयी मुकुट ?

23/04/2025 -

FIDE पुणे ग्रँड प्रिक्स २०२५ च्या आठव्या फेरीत GM कोनेरु हम्पीने हरलेली बाजी वाचवत IM अलिना काश्लिन्स्काया (पोलंड) विरुद्ध बरोबरी साधली. ही बरोबरी हम्पीसाठी महत्त्वाची ठरली, कारण दुसऱ्या बाजूला GM जिनेर झू (चीन) हिने IM दिव्या देशमुखवर मात केली. त्यामुळे आता हम्पी आणि जिनेर दोघीही ८ पैकी ६ गुणांसह संयुक्त आघाडीवर आहेत. अंतिम फेरीनंतर दोघींचे गुण समान राहिले, तर हम्पीला अधिक चांगल्या टायब्रेक स्कोअरमुळे विजेतेपद मिळेल. GM आर. वैशाली हिने IM नुर्ग्युल सलीमोव्हा (बुल्गेरिया) विरुद्ध रोचक हत्तीचा बळी दिला होता, पण नंतर तिची विजयाची संधी हुकली. हम्पी आणि जायनर दोघीही जर हरल्या, आणि दिव्याने अलिनावर विजय मिळवला, तर दिव्या देशमुख पोडियमवर स्थान मिळवू शकते.

फिडे महिला ग्रँड प्रिक्स पुणे - सातव्या फेरीत हम्पीचा जायनर वर विजय आणि आघाडीत बरोबरी!

22/04/2025 -

GM कोनेरु हम्पीने GM झू जायनर (चीन) हिला पराभूत करत FIDE पुणे ग्रँड प्रिक्स 2025 मध्ये एकहाती आघाडी घेतली आहे. झू जायनर हिचा हा हम्पोसोबतचा क्लासिकल फॉरमॅटमधील पहिलाच पराभव असून, वजिराच्या चुकीच्या चालीमुळे तिला हार पत्करावी लागली. हम्पीने ७ पैकी ५.५ गुण मिळवत स्पर्धेत अव्वल स्थान मिळवलं असून, ती इतर सर्व प्रतिस्पर्ध्यांपेक्षा अर्धा गुणाने पुढे आहे. IM दिव्या देशमुखने IM बटखुयाग मुंगुंटुल (मंगोलिया) हिला राजाच्या बाजूकडून जोरदार हल्ला करत चकित केलं. या विजयासह दिव्या दुसऱ्या स्थानावर पोहोचली असून तिचे ५ पैकी ७ गुण आहेत. GM आर. वैशाली आणि GM हरिका द्रोणावल्ली यांनी त्यांच्या त्यांच्या अनुक्रमे IM अलिना काश्लिन्स्काया (पोलंड) आणि IM पोलीना शुवालोव्हा यांच्याशी बरोबरी साधली. आज दुपारी ३ वाजता आठव्या फेरीला सुरुवात होणार आहे.

फिडे महिला ग्रँड प्रिक्स पुणे - हम्पीचा सनसनाटी विजय; झू जायनर ची आघाडी कायम

21/04/2025 -

GM झू जायनर (चीन) हिने GM आर. वैशालीला पराभूत करत FIDE पुणे ग्रांप्री २०२५ मध्ये ६ पैकी ५ गुणांसह आपली एकहाती आघाडी कायम ठेवली असून निर्णायक स्थितीत वैशालीने तिचा घोडा चुकीच्या पद्धतीने हलवला आणि चुकीचा एक्स्चेंज करून स्वतःलाच बिकट एंडगेममध्ये अडकवले. IM बटखुयाग मंगुंतूल (मंगोलिया) हिच्यावर GM कोनेरू हम्पीने सहज विजय नोंदवला. हम्पीने आपले गुण ४.५/६ पर्यंत नेत स्पर्धेतील आपले स्थान कायम टिकवले. IM दिव्या देशमुख हिने GM हरिका द्रोणावल्लीबरोबर बरोबरी साधली आणि तिचा गुणसंख्या ४/६ झाली. आज हम्पी आणि झू जायनर यांच्यातील लढत अत्यंत निर्णायक ठरणार आहे. या सामन्याचा परिणाम स्पर्धेच्या अंतिम निकालावर निश्चितच होऊ शकतो. सातव्या फेरीला आज दुपारी 3 वाजता सुरुवात होणार आहे. फोटो : अनमोल भार्गव

फिडे महिला ग्रँड प्रिक्स पुणे - वैशालीचा पहिला विजय; झु जायनरची बरोबरीत सुटका

19/04/2025 -

आयएम नुर्ग्युल सलीमोव्हा (बुल्गारिया) हिने जीएम जिनेर झू (चीन) विरुद्धच्या डावात आपल्या वजिराचा बळी देत फक्त हत्ती आणि घोड्यासाठी ती चाल खेळली. या खेळात तिला विजय मिळवण्याच्या अनेक संधी मिळाल्या, पण ती त्या संधींचा पुरेपूर फायदा घेऊ शकली नाही आणि फिडे पुणे ग्रँड प्रिक्सच्या पाचव्या फेरीतील हा सामना बरोबरीत सुटला आणि झू जायनर हिने आपली आघाडी कायम ठेवली. जीएम आर वैशाली हिने आयएम बाथकुईग मुङ्गुंतुुल (मंगोलिया) विरुद्ध आपला स्पर्धेतील पहिला विजय नोंदवला. भारताच्या दोन सर्वोच्च महिला बुद्धिबळपटू, जीएम कोनेरू हम्पी आणि जीएम हरिका द्रोणावल्ली यांनी केवळ १९ चालींत सामना बरोबरीत सोडला. आयएम दिव्या देशमुख हिने अत्यंत चुरशीच्या लढाईत आयएम पोलिना शुवालोव्हा विरुद्ध सामना बरोबरीत सोडवला. आज स्पर्धेचा विश्रांतीचा दिवस आहे. सहावी फेरी उद्या, रविवार २० एप्रिल रोजी दुपारी ३ वाजता (भारतीय प्रमाणवेळेनुसार) सुरू होईल.

फिडे महिला ग्रँड प्रिक्स पुणे - दिव्या देशमुखचे दमदार पुनरागमन, हम्पीचा सलग दुसरा विजय

18/04/2025 -

IM दिव्या देशमुख हिने FIDE पुणे ग्रँड प्रिक्सच्या चौथ्या फेरीत IM मेलिया सॅलोमी (जॉर्जिया) हिच्यावर मात करत विजयी पुनरागमन केले. ही लढत मेजर पीस एंडगेममध्ये गेली, जिथे दिव्याला तिच्या प्रतिस्पर्धीच्या चुकांची वाट पाहावी लागली. GM कोनेरू हम्पी हिने सलग दुसऱ्या फेरीत विजय मिळवत IM पोलिना शुवालोवा हिचा पराभव केला. हम्पी आणि दिव्या दोघींचेही आता ४ पैकी ३ गुण झाले आहेत. त्या दोघी GM झू जायनर (चीन) हिच्या मागे अर्ध्या गुणाने आहेत. झू जायनरने IM अलीना काशलिंस्काया (पोलेण्ड) हिला पराभूत करत आघाडी कायम ठेवली आहे. GM हरिका द्रोणावल्ली आणि GM आर वैशाली यांच्यातील सामन्यात बरोबरी झाली. IM नुर्ग्युल सलीमोव्हा (बुल्गेरिया) हिने या स्पर्धेतील आपला पहिला विजय IM बाथखुयाग मंगुंतुल (मंगोलिया) हिच्यावर नोंदवला. पाचवी फेरी आज दुपारी ३ वाजता (IST) सुरू होणार आहे. फोटो : अनमोल भार्गव

फिडे महिला ग्रँड प्रिक्स पुणे - हम्पीने दिव्याचा विजयरथ रोखला

17/04/2025 -

गेल्या दोन फेऱ्यांमध्ये दणक्यात खेळत असलेल्या IM दिव्या देशमुखला GM कोनेरू हम्पीने पराभवाची चव चाखवत तिचा विजयरथ रोखला. सामन्यानंतर दिलेल्या मुलाखतीत हम्पी म्हणाली की, "मी एक नवीन ओपनिंग प्रकार खेळला, पटावर एक वेगळी स्थिती निर्माण केली आणि त्यामधून मी तिला खेळत खेळत हरवले." दरम्यान, GM हरिका द्रोणावल्लीने सनसनाटी पुनरागमन करत IM नुर्ग्युल सालिमोव्हा (बग्लेरिया) हिच्यावर मात करत स्पर्धेतील आपला पहिला विजय नोंदवला. IM बटखुयाग मुंगुंटूल (मंगोलिया) हिने IM अलीना काशलिन्स्काया (पोलंड) हिच्या क्वीन साईडवर जोरदार आक्रमण करत विजय मिळवला. GM आर. वैशाली हिने IM पोलिना शुवालोव्हा हिच्याशी बरोबरी साधली. GM झू जायनर (चीन) हिने IM मेलिया सालोमे (जॉर्जिया) हिच्याशी बरोबरी खेळत 2.5/3 गुणांसह एकमेव आघाडी मिळवली आहे. हम्पी, दिव्या, पोलिना आणि बटखुयाग यांच्याकडे सध्या प्रत्येकी २/३ गुण आहेत. हरिका १.५/३ गुणांवर पोहोचली आहे. स्पर्धेची चौथी फेरी आज दुपारी 3 वाजता (IST) सुरू होणार आहे. फोटो : अनमोल भार्गव / फिडे

फिडे महिला ग्रँड प्रिक्स - पाचव्या चरणाच्या दुसऱ्या फेरीत दिव्याची विजयी घोडदौड कायम

16/04/2025 -

फिडे महिला ग्रँड प्रिक्स - पाचव्या चरणाच्या दुसऱ्या फेरीत वैशाली एक उत्कृष्ट खेळाडू असूनसुद्धा, आपला उंट एका चुकीच्या चालीने फार लवकर गमावला आणि दिव्याने सलग दुसऱ्या विजयाची नोंद केली. दुसरीकडे, झू जिनरने आपल्या उत्कृष्ट रुक एंडगेमच्या जोरावर एक महत्त्वाचा विजय मिळवला. या साऱ्या घडामोडींनंतर आता दुसऱ्या फेरी अखेर दिव्या आणि झू जायनर संयुक्त आघाडीवर आहेत तर पोलिना शुवालोवा हिने आजचा तिचा डाव बरोबरीत सोडवत गुणतालिकेत दुसरे स्थान मिळवले आहे. ग्रँडमास्टर कोनेरू हम्पी आणि ग्रँडमास्टर हरिका द्रोणावल्ली यांनी अनुक्रमे जॉर्जियाच्या आयएम मेलिया सॅलोमे आणि पोलंडच्या आयएम अलीना काशलिंस्काया यांच्याशी बरोबरी साधली. तिसरी फेरी आज दुपारी ३ वाजता (भारतीय प्रमाणवेळेनुसार) सुरू होणार आहे. फोटो : फिडे / विवेक सोहनी

ChessBase 18 and Mega 2025 are here